Xa comezamos co préstamo semanal en Infantil!
Antes de comezar co préstamo semanal da biblioteca, o alumnado de Infantil participou nunha xornada de formación de usuarios moi divertida.
A través dun xogo, tivemos que colocar cada libro no seu sitio, fixándonos nas etiquetas. Así, pouco a pouco, fomos descubrindo como se organizan os libros da nosa biblioteca e aprendemos a diferenciar os contos dos libros informativos.
Aprendemos xogando e xa estamos preparados para gozar dos libros, coidalos e compartir novas aventuras con eles!
Unha vez rematada a adaptación, o alumnado de 4º de Infantil fixo un percorrido por todo o colexio para coñecer as diferentes dependencias: o comedor, o ximnasio, as aulas e, como non podía ser doutro xeito, a nosa querida biblioteca escolar.
Alí descubrimos xuntos os diferentes espazos e recunchos da biblioteca e presentamos a un dos seus grandes protagonistas: o rato Paco, a nosa mascota!
Estes primeiros encontros coa biblioteca son sempre momentos moi especiais, cheos de ilusión, curiosidade e emoción.
Benvidos á vosa biblioteca! Que este sexa o comezo de moitas aventuras entre libros e historias.
Fermosísimo o xogo do patio co que nos agasallou a ANPA para que o alumnado desfrute nos tempos de lecer.
Un ano máis, a nosa ANPA organizou unha merenda no primeiro día de clase. Moitas grazas!
Hoxe tivemos a última visita das familias na actividade As familias contan. María, coa axuda de Laia, contounos un conto moi especial: "O elefante que perdeu o seu ollo".
.jpg)
Despois de traballar cos Bits da Intelixencia, o alumnado de 6ºI interesouse polos monumentos do mundo. Buscamos información na biblioteca, como aparece nunha entrada anterior, e elaboramos un mapa cos monumentos máis importantes.
A partir deste traballo e do maletín que realizamos coa información, estamos a descubrir cales están máis preto ou máis lonxe e compartindo os nosos monumentos favoritos. Unha experiencia moi enriquecedora para seguir aprendendo sobre o mundo.
Dentro das actuacións do Plan de Acollida para favorecer a transición do alumnado de 6.º de Educación Infantil a Educación Primaria, realizamos unha visita á aula de 1.º curso.
Durante a actividade, o alumnado de 1.º preparou unha exposición na que nos mostrou e explicou diferentes aspectos da súa aula e da súa dinámica diaria: o material que utilizan, a organización do estoxo, onde gardan as mochilas, a biblioteca de aula, os xogos, as libretas, a distribución e almacenamento dos materiais escolares e das pinturas, así como as rutinas diarias, a asemblea e o horario escolar.
Este intercambio resultou moi enriquecedor, xa que permitiu achegar información de primeira man e reducir posibles medos ou incertezas.
Posteriormente, aproveitando que a aula estaba libre, o alumnado puido explorar o espazo, interactuar cos diferentes materiais e xogar libremente nel, favorecendo así unha primeira toma de contacto co que será a súa futura aula e contribuíndo a unha adaptación máis segura e positiva á nova etapa educativa.
Despois dun duro inverno de chuvia, aproveitamos o bo tempo e saímos recoller flores silvestres no patio do colexio.
Comeza a primavera e a desfrutamos pintando con pincel. cores, creatividade e moita ilusión na nosa aula.
O alumnado de infantil desfrutou dunha hora de ler ao aire libre, aproveitando o bo tempo.
No mes de abril, cada neno e nena da clase dos canciños, trouxo o seu libro ou conto favorito e compartiuno cos compañeiros e compañeiras. Faláronnos da súa páxina favorita, explicaron o argumento e, sobre todo, transmitiron a ilusión pola lectura.
Unha experiencia moi enriquecedora que nos axuda a medrar como lectores e lectoras!
Esta semana tivemos dúas sesión de "As familias contan" na clase dos canciños. Sara, a nai de Amaia, e Nuria, a nai de Alex.
Enccántanos ter de contacontos as nosas familias!!!
O alumnado de Infantil gozou dunha xornada moi especial na Granxa Serantellos, subvencionada pola Deputación de Pontevedra dentro do programa Vive o rural.
Durante o día, tivemos a oportunidade de coñecer e interactuar cos animais, elaborar pan de xeito tradicional e plantar xirasois. Foi unha experiencia moi enriquecedora na que, ademais de aprender, pasámolo xenial!
O alumnado de infantil segue experimentando na horta, dentro do proxecto "Coas mans na terra". Mirade como traballan.
Os padriños e madriñas lectores desfrutaron dunha lectura mutua, de contos teatralizados e de momentos moi especiais na biblioteca.
