VISITAMOS A EXPOSICIÓN SOBRE O MAR

OS NENOS E NENAS DE INFANTIL ESTIVEMOS VISITANDO A EXPOSICIÓN SOBRE O MAR QUE ESTÁ NO COLE DE ARRIBA. ALÍ ESTÁ EXPOSTO TODO O TRABALLO FEITO POLO ALUMNADO DO COLE. 

ENCANTOUNOS!

Museo do Mar de Vigo

Hoxe, o alumnado de Educación Infantil, visitou o Museo do Mar de Vigo. 

Participamos nun obradoiro de "Tesouros da Ría", onde puidemos descubrir a rica diversidade mariña que temos na nosa ría de Vigo, onde nos explicaron a gran diversidade de especies coas que convivimos, e puidemos tocar tanto unha esponxa, como corais, mandíbula de pel de tiburón, ovos de raia, cunchas, etc.

Tamén visitamos o acuario para observar os peixes que nadan na ría, centolas, mexillóns, tiburón e moitas máis animais mariños.

AS BATEAS

 Este curso o proxecto do cole é "O Mar", polo que Paco nos enviou unha carta para que os golfiños e as baleas investigásemos sobre as bateas. 

Aproveitando que dúas das nosas familias traballan nas bateas, invitámolas para que compartisen con nós os seus coñecementos, as súas vivencias e experiencias. Aprendemos moitas cousas, polo que lles queremos dar as grazas a Adrián e Mario por animarse a visitarnos. As familias sodes unha gran fonte de aprendizaxe para nós. 

Visitamos a exposición do Museo do Mar

 As baleas e os golfiños, dentro do proxecto do mar,  promovido pola biblioteca, visitou a exposición do Museo do Mar, no alto da Praza de Abastos. Nesta exposición, organizada pola Asociación Devanceiros do Mar, puidemos ver diferentes maquetas de barcos, de bateas, arpóns, timóns, un catre e moitas máis cousas interesantísimas. Grazas a Paco e a Cristóbal, por facernos de guías.

NA ILLA DE SAN SIMÓN

ESTIVEMOS MOI ANSIOSOS ATA QUE CHEGOU O DÍA, E POR FIN FOMOS A SAN SIMÓN E PASÁMOLOEN GRANDE, COMO FAN OS PIRATAS:

AS BATEAS

Os hamsters contestamos por fin á carta de Paco: "Para que serven as bateas? Para criar mexillóns". Aprendemos moitas cousas das bateas, pero ata o final de todo non nos demos conta que as bateas "é iso que flota no mar e que non se move". Así que nos asomamos e alí estaban... Tiñamos moita curiosidade por saber como flotaban as bateas, así que decidimos construir unha. Non foi fácil... Con dúas botellas e cuns pauciños puxemonos a traballar, e a base de probar e probar ó final fomos construindoa.

E despois de moito traballo chegou o momento de poñela a flotar....e por suposto, FLOTOU

MERENDA ESPECIAL

NA CLASE DAS CHICHARRAS ESTAMOS REMATANDO XA O NOSO PROXECTO DOS BARCOS E, PARA CELEBRALO, O MARTES TIVEMOS UNHA MERENDA SORPRESA : BARCOS....E CHOCOLATE!
                 
                       


                          ESTABA DELICIOSA!!!!!!!!

Mariscamos coa avoa de Claudia!

O venres viu visitarnos a familia de Claudia, a súa avoa e o seu pai. A avoa é mariscadora e ensinounos moitísimas cousas: os aparellos, como se empregan, berberechos, diferentes clases de ameixas, navallas,... Ata nos achegou un trociño de praia para que puideramos facer as nosas primeiras prácticas como mariscadores e mariscadoras! Ao rematar, o pai de Claudia contounos un pequeno conto que eles mesmos fixeron sobre o cultivo da ameixa.
Encantounos!

Moitas grazas por vir e, xa sabedes, podedes volver cando queirades!

VIDECONFERENCIA CO LORO PARQUE II

HOXE CAMBIAMOS O HORARIO DO RECREO PARA PODER FACER UNHA ACTIVIDADE NA BIBLIOTECA.
AS CHICHARRAS E AS TARTARUGAS, DE CAMIÑO DICÍAN:
 E PARA QUE IMOS A BIBLIOTECA?: 
- IMOS RECITAR UNHA POESÍA...
. - VANNOS CONTAR CONTOS....
- VAN DICIRNOS ADIVIÑAS... 
- VAN A FALARNOS OS MAIORES..
. - IMOS VER UN VÍDEO.... 
E É QUE NA BIBLIOTECA FACEMOS TANTAS COUSAS!!!!
O QUE TIÑAMOS ERA UNHA VIDEOCONFERENCIA CO LORO PARQUE EN TENERIFE: 

VIDEOCONFERENCIA CO LORO PARQUE

Hoxe, os hamsters, xunto cos nenos e nenas de 1º, participaron nunha videoconferencia co Loro Parque. Éste é un parque temático, ubicado en Tenerife, que ten animais tan interesantes como as orcas, delfíns, leóns mariños, loros, etc. Este mes estivo adicado aos delfíns e hoxe fixemos unha conexión en directo con eles. Puidemos ver en directo un entrenamento cos seus monitores e nos deleitaron cuns maravillosos saltos. Explicáronnos moitísimas cousas: por onde respiran, que comen, cantos dentes teñen, as partes do seu corpo,... Dixéronnos que podían medir como tres nenos xuntos, así que nos tumbamos nunha mesa e comprobamos canto era iso, un montón!. Foi toda unha experiencia para todos nós. Esperamos con impaciencia unha próxima vez! 

A resposta das tartarugas a Paco: Onde se crían os mexillóns?

No mes de marzo chegou a nosa aula unha nova carta de Paco. Neste caso, quería saber onde se criaban os mexillóns, asi que nos puxemos mans á obra! O primeiro que fixemos foi preguntarlle ás familias e en canto comezaron a chegar as primeiras respostas, puxémonos a traballar. Se ben, esta vez o fixemos diferente: fixémolo en equipo! Entre todos decidimos como queriamos facer a resposta: se grande ou pequena, se escrita por nós ou coas respostas da casa, con debuxos ou sen eles,... Logo de moito pensar, decidímolo facer en grade, escribindo nós mesmos a resposta, decidindo que fotos queriamos pegar e facendo a nosa propia batea!



A verdade é que nos gustou moito traballar en equipo, tanto que agora todo o queremos facer deste xeito!

OUTRO PAPÁ QUE SABE MOITO DE BARCOS

AS CHICHARRAS ESTAMOS DE SORTE: ONTE FOI O PAPÁ DE NAIARA (DAVID) O QUE VEU Á NOSA CLASE A CONTARNOS COUSAS INTERESANTÍSIMAS DE BARCOS: COMO SE FAN, CALES SON AS SÚAS PARTES, CANTAS CLASES DE BARCOS HAI,...
ENSINOUNOS MOITAS REVISTAS CON FOTOS DE BARCOS E DEIXOUNOS ALGUNHAS NA CLASE PARA QUE AS POIDAMOS VER E APRENDAMOS UN MONTÓN.

                            MOITAS GRAZAS, DAVID!

FALANDO DE BARCOS...

NA CLASE DAS CHICHARRAS ESTAMOS TRABALLANDO NUN PROXECTO SOBRE BARCOS E HOXE RECIBIMOS UNHA VISITA MOI INTERESANTE:
 VEU ALBERTO, O PAPÁ DE DAVID, E CONTOUNOS UN MONTÓN DE COUSAS SOBRE OS VELEIROS. TROUXO UN BARQUIÑO PEQUENO PARA QUE VÍSEMOS COMO SON, ENSINOUNOS LIBROS E REVISTAS CON FOTOS CHULÍSIMAS ...E UNHA VELA DE VERDADE, TAN GRANDE,TAN GRANDE, QUE CASE NON CABÍA NA NOSA AULA...

                           MOITAS GRAZAS, ALBERTO! 

QUERIDOS HÁMSTERS

COMO VOS VIVIDES AO LADIÑO DO MAR, GUSTARÍAME APRENDER MÁIS COUSAS SOBRE O MAR.

QUERÉDESME AXUDAR?

PODEDES DICIRME  PARA QUÉ SERVEN AS BATEAS?

QUERIDAS CHICHARRAS

COMO VOS VIVIDES AO LADIÑO DO MAR, GUSTARÍAME APRENDER MÁIS COUSAS SOBRE O MAR.

QUERÉDESME AXUDAR?

PODEDES DICIRME  QUE É UN BALANDRO?

QUERIDAS TARTARUGAS

COMO VOS VIVIDES AO LADIÑO DO MAR, GUSTARÍAME APRENDER MÁIS COUSAS SOBRE O MAR.

QUERÉDESME AXUDAR?

PODEDES DICIRME  ONDE SE CRÍAN OS MEXILLÓNS?

OS HAMSTERS INVESTIGAMOS SOBRE AS BATEAS

Os Hamsters recibimos unha carta de Paco. Quería aprender cousiñas sobre o mar, concretamente sobre as bateas. Preguntounos: PARA QUE SERVEN AS BATEAS?. As respostas dos nenos e nenas de 6º de Infantil foron as seguintes:
- Para pescar peixes.
- É un barco para navegar en lagos.
- Sirve para que nazan peixes.
- Para pescar medusas.
- Para agarrar cousas.
-Para coller polbos, mariscos, centolas,...
- Para coller mexillóns e caranguexos.
- Para que nazan as crías dos mexillóns.
- Para coller mexillóns e despois comelos.
- Para coller caranguexos e peixes.
- Son unhas táboas que están no mar, que son rectangulares, debaixo hai unhas cordas con mexillóns colgados. Despois veñen os barcos e collen os mexillóns e lévannos as tendas e supermercados e despois vai a xente e compraos.

Como non nos poñiamos de acordo decidiron preguntarlles os papás e mamás, que eles saben de todo.
Fixemos hoxe a nota, así que mamás e papás dos Hamsters, necesitamos a vosa axuda para esta nova investigación.

4º e 5º no PORTO DE VIGO

ESTIVEMOS NO PORTO DE VIGO, QUE É MOI GRANDE, TEN AS LONXAS, OS VIVEIROS, A FÁBRICA DE XEO... NÓS ESTIVEMOS NA LONXAE NOS VIVEIROS DE MARISCO:

OS HAMSTERS NO PORTO DE VIGO

Os hamsters visitamos cos nenos e nenas de 1º o Porto de Vigo, xa que estamos traballando o tema do mar no cole. Visitamos a lonxa e atopámonos alí cuns tiburóns, que medo!. Ensináronnos tamén os peixe espada,  o xeo, a xona de empaquetado, os diferentes peixiños e tamén o viveiro. E despois de tanto aprender, fomos a merendar e a xogar ó parque. 

CHICHARRAS PIRATAS

HAI PIRATAS DO CARIBE,
BARBARROXA E METEPATA.
NÓS SOMOS...AS CHICHARRAS!!!!