Xa comezamos co préstamo semanal en Infantil!
Antes de comezar co préstamo semanal da biblioteca, o alumnado de Infantil participou nunha xornada de formación de usuarios moi divertida.
A través dun xogo, tivemos que colocar cada libro no seu sitio, fixándonos nas etiquetas. Así, pouco a pouco, fomos descubrindo como se organizan os libros da nosa biblioteca e aprendemos a diferenciar os contos dos libros informativos.
Aprendemos xogando e xa estamos preparados para gozar dos libros, coidalos e compartir novas aventuras con eles!
Unha vez rematada a adaptación, o alumnado de 4º de Infantil fixo un percorrido por todo o colexio para coñecer as diferentes dependencias: o comedor, o ximnasio, as aulas e, como non podía ser doutro xeito, a nosa querida biblioteca escolar.
Alí descubrimos xuntos os diferentes espazos e recunchos da biblioteca e presentamos a un dos seus grandes protagonistas: o rato Paco, a nosa mascota!
Estes primeiros encontros coa biblioteca son sempre momentos moi especiais, cheos de ilusión, curiosidade e emoción.
Benvidos á vosa biblioteca! Que este sexa o comezo de moitas aventuras entre libros e historias.
O alumnado de infantil desfrutou dunha hora de ler ao aire libre, aproveitando o bo tempo.
No mes de abril, cada neno e nena da clase dos canciños, trouxo o seu libro ou conto favorito e compartiuno cos compañeiros e compañeiras. Faláronnos da súa páxina favorita, explicaron o argumento e, sobre todo, transmitiron a ilusión pola lectura.
Unha experiencia moi enriquecedora que nos axuda a medrar como lectores e lectoras!
Os nenos e nenas de 4º de Infantil leron o conto,
" Un becho extraño", e encantoulles.
Elaboraron coa plasti o seu propio becho.
CONTACONTOS DE SAMAÍN NA "CLASE DOS CANGUROS"
A "clase dos canguros" tivemos unha sorpresa espectacular; contamos coa visita da familia de Daniela, a súa nai, Tania, e o seu irmán, Yago, que nos viñeron a contar contos moi divertidos por Samaín. Ademais foi moi intrigante porque o ambientaron "terroríficamente". Moitas grazas pola visita. Esperámosvos pronto.
O alumnado de infantil fai un préstamo semanal na biblioteca de Paco. Disfrutamos dunha hora de biblioteca semanal onde os nenos e nenas devolven o conto da semana pasada, disfrutan un rato de lectura e escollen o conto que queren levar esa semana na súa carpeta de biblioteca. E logo para rematar sempre hai unha sesión de contacontos.
Estes días, cos ensaios do festival das Letras galegas, fomos a ensaiar ao auditorio, e aproveitamos para visitar a biblioteca municipal de Moaña para disfrutar un rato da lectura. Gustounos moito, así que pronto volveremos a facer alí algunha actividade de lectura.
Grazas Bea, pola túa acollida na biblioteca.
Hoxe celebramos o Día do Libro na biblioteca do colexio, cunha sesión de contacontos moi especial, a cargo de Olalla González, compañeira do colexio e autora de moitos libros infantís. O alumnado, dende infantil ata os maiores do cole, disfrutaron coas súas historias.
FELIZ DÍA DO LIBRO!!!
Hoxe disfrutamos dunha sesión de contacontos ó aire libre, aproveitando o bo tempo. Nesta ocasión, a nosa compañeira Olalla González, contounos os contos de "O coelliño branco" e "Carapuchiña vermella".
O venres tivemos en infantil unha sesión de contacontos coa nosa compañeira Rocío.
Leunos o conto de "Topito terremoto", de Anna Llenas, unha historia que traballa a educación emocional. Un topito que ten un enerxía desbordante e non sabe como canalizala, e buscan axuda na maga do bosque.
E ó rematar, presentounos unhas caixas cheas de sorpresas, que poñeremos no noso recuncho da calma, para poder ir cando esteamos nerviosos, cansados, cando queiramos estar un rato sós, ou simplemente para disfrutar da tranquilidade.
.JPG)
