O traballo por proxectos responden a unha intención organizada de dar forma ó natural desexo de aprender. Parten dun enfoque globalizador aberto, para provocar aprendizaxes significativas en función dos intereses dos nenos e nenas e das súas experiencias e coñecementos previos. As nenas e os nenos non aprenden sempre aquilo que intencionadamente lles pretendemos ensinar, senón o que realmente desexan.
O papel da
educadora non será anticipar coas súas respostas un desexo que, entón, xa non será
tal, senón deixar que os erros se produzan (pois son o natural camiño de toda
aprendizaxe) e canalizar as propostas, organizar os intereses, facer preguntas
intelixentes e oportunas, prever os recursos e avaliar a propia actividade e os
novos coñecementos, respectando en todo momento a diversidade e a expresión da
identidade, e potenciando a procura de solucións diversas a un mesmo problema.
Non se trata, pois, de buscar unha educación homoxeneizadora
e igualitaria, senón de fomentar a diversidade como valor enriquecedor da
comunidade e de promover o modo natural de aprender, favorecendo a adquisición
de procedementos precisos para aprender de forma autónoma e non simplemente a
adquisición mecánica de determinados contidos.
As fases
para o desenvolvemento dun proxecto serán as seguintes:
-
Elección do tema de estudo por parte do alumnado (a
partir de ideas que xorden, preguntas, un conto,…).
-
Que sabemos e que queremos saber?: exposición de ideas
previas por parte do alumnado (a través de conversas, debuxos…) e recollida de
preguntas sobre o que queren saber, así como propostas de actividades de todo
tipo.
-
Busca de fontes de documentación: buscar entre todas e
todos as fontes e recursos onde atopar respostas ás súas preguntas, canto máis
divertidas e variadas, mellor.
-
Organización do traballo: a titora organizará,
deseñará e programará os obxectivos, actividades, recursos e temporalización,
establecendo tamén as pautas de observación e de colaboración coas familias e o
contorno, todo isto tendo en conta o carácter flexible da programación
(posibilidade de variación de actividades, recursos…).
-
Realización de actividades (facendo os axustes e
cambios oportunos, priorizando sempre a motivación do alumnado e tendo en conta
as súas propostas e novas accións).
- Avaliación do proxecto: elaboración dun dosier no que se recollerán as sínteses do traballo (en murais, vídeos, álbumes…); comprobación das preguntas que foron respondidas, comparándoas coas ideas previas; análise das novas propostas e do que quedou pendente.
No colexio de Quintela, traballamos por proxectos. Algúns deles que fixemos nos últimos cursos e que podedes consultar son os seguintes:
- Proxecto: As bolboretas e as eirugas
Ningún comentario:
Publicar un comentario
Deixanos o teu comentario aquí.Non esquezas por o teu nome, pulsando en "Nombre".Sairá publicado cando nos chegue.