As familias contan en 4º de Infantil

Hoxe tivemos unha xornada moi emocionante na clase das tartarugas. Veu unha contacontos moi importante para nós!!!
Ádega, a nai de André, contounos unha historia que nos encantou; por que o ratiño Perez leva os dentes dos nenos e nenas. Ademais, traía un ratiño precioso e gustounos moito darlle unha apertas.
GRAZAS ÁDEGA!!!
 "A historia do Ratiño Pérez", un fermoso conto de Ana Serna e Margarita Menéndez .

Na horta

As nosas leitugas xa van medrando, así foi como as plantamos:

AS FAMILIAS CONTAN

O xoves, o día do libro, tivemos un contacontos moi especial na clase dos golfiños. Tati, a nai de Irene, animouse a vir  contarnos dous contos: "¿Estas ahí, monstruo?" e "Erik, o constructor de soños". Despois dos contos, tiña un cofre cheo de sorpresas deliciosas!!!. GRAZAS TATI!

SEMANA DA FROITA

 Durante esta semana os pequenos do cole merendaron como campións: cada día unha froita diferente. Tivemos plátanos, mazás, amorodos, peras e laranxas. Algunhas froitas  gustáronnos máis que outras, de outras ata repetimos, traballamos cos números (cantos somos hoxe e canta froita necesitamos), reciclamos (o resto da froita no caldeiro verde), repartimos a froita, probamos a froita que nos gusta menos,...Esperamos impacientes a seguinte semana da froita!!!

 

 

FELIZ DÍA DO LIBRO 2015

SEMANA DA FROITA NA CLASE DOS DINOS

NESTE SEGUNDO DÍA DA SEMANA DA FROITA, OS DINOS FIXEMOS BATIDOS CON MAZÁ, PLÁTANO E LARANXA. ESTABAN BOÍSIMOS! E NOS VINDEIROS DÍAS CHEGAN AS PERAS, OS AMORODOS E MÁIS LARANXAS. ÑAM!!

RECITAMOS

Os golfiños recitamos polo cole algúns dos poemas que sabemos. Encántanos recitar e facémolo xenial!!!

ENGLISH CLASS

OS GOLFIÑOS CANTAMOS EN INGLÉS: "IF YOU WANT TO WIN" (ROBIN HOOD)

Os Dinos practicamos a hora de ler "de maiores"

Dentro de nadiña os Dinos pasaremos para primeiro de primaria, polo que xa estamos practicando a hora de ler "de maiores", é dicir, cada un co libro que escolla e lendo en baixiño. 

Os Dinos recitamos "A bela durminte"

Como estamos traballando moito acerca dos castelos, como eran por dentro, quen vivía neles, etc., decidimos aprender dous poemas relacionados co tema: un dunha princesa e outro dun príncipe. 

Aquí tedes o recitado do poema "A bela durminte".

Os dragóns dos Dinos

Despois de moito tempo, por fin rematamos os dragóns, feitos totalmente con material de refugallo que reutilizamos: oveiras, rolos de papel hixiénico e boliñas de papel de aluminio que fomos gardando das merendas. Mirade que chulos nos quedaron!

BICOS

Mirade que ben recitan os golfiños o poema de Antonio García Teijeiro!!! 

SEMANA DA PRENSA

Durante a semana da prensa traballamos moito cos xornais.Aprendemos que hai xornais diferentes con nomes distintos, que nos xornais hai noticias, que as noticias moi importantes aparecen en grande e as menos importantes en pequeno,... 

AS RUTINAS

As rutinas cumpren un papel moi importante na escola, xa que constitúen un marco de refencia para os nenos/as, así establecen unha estruturación mental da organización das actividades. Por iso, as rutinas son moi positivas no proceso de ensino-aprendizaxe, ofrecendo estabilidade, referencia e orientación espacial e temporal.Así traballamos as rutinas os golfiños.

DÍA DA POESÍA

Polo día da Poesía, un poema e unha flor!

POEMA PARA CANDO CHOVE

Para cando moito chove, o poeta Antonio García Teijeiro escribiu este poema tan acaído que interpreta o grupo das tartarugas:

DÍA DA POESÍA

Un poema e unha flor para celebrar o o Día Mundial da Poesía,o 21 de marzo:

ENTROIDO 2015

O XORNAL NA ESCOLA

Esta semana dedicámola a coñecer un pouco como son os xornais,para que serven, que podemos atopar neles.
En 4º de Infantil apenas teñen información do que son os xornais, aparte de comentar que serven para que os maiores estean tranquilos, que teñen letras para ler ( non saben se teñen contos, poesías ou o que) e que cando xa están lidos se acumulan para "reciclar". Outro día falaremos de que é iso de "reciclar".
Aprendemos que teñen noticias de moitos temas: de accidentes, de deportes, de tempo ,de policías e bombeiros,de xente traballando e que tamén hai anuncios para mercar cousas. O xornal deu moito de si:

ENTERRO DA XOUBIÑA 2015