A resposta das tartarugas a Paco: Onde se crían os mexillóns?

No mes de marzo chegou a nosa aula unha nova carta de Paco. Neste caso, quería saber onde se criaban os mexillóns, asi que nos puxemos mans á obra! O primeiro que fixemos foi preguntarlle ás familias e en canto comezaron a chegar as primeiras respostas, puxémonos a traballar. Se ben, esta vez o fixemos diferente: fixémolo en equipo! Entre todos decidimos como queriamos facer a resposta: se grande ou pequena, se escrita por nós ou coas respostas da casa, con debuxos ou sen eles,... Logo de moito pensar, decidímolo facer en grade, escribindo nós mesmos a resposta, decidindo que fotos queriamos pegar e facendo a nosa propia batea!



A verdade é que nos gustou moito traballar en equipo, tanto que agora todo o queremos facer deste xeito!

OUTRO XOGO COA TARTARUGA MENTA

PARA ESTE TRIMESTRE, TEMOS NOVOS XOGOS CO LORO PERICO, DA EDITORIAL SM, VISTOS NO BLOG DE MARIFE LARA ROMERO, RECURSOS PARA EDUCACIÓN INFANTIL

OUTRO XOGO CO LORO PERICO

PARA ESTE TRIMESTRE, TEMOS NOVOS XOGOS CO LORO PERICO, DA EDITORIAL SM, VISTOS NO BLOG DE MARIFE LARA ROMERO, RECURSOS PARA EDUCACIÓN INFANTIL

Charla para as familias

Queridas familias:

Conscientes da crecente preocupación polo coidado da natureza e da nosa saúde, dende o Equipo de Natureza, queremos convidarvos a unha charla informativa sobre os grupos de consumo. Nela, trataremos os seguintes temas:

·               Unha alimentación máis saudable e natural para os nosos fill@s.

·               Coñecer de onde proceden os alimentos que consumimos.

·              A cociña con alimentos frescos e ecolóxicos, cultivados ou elaborados por pequenos produtores da nosa comunidade.

·               A mellora do medio ambiente no que vivimos.

·               O comercio xusto.

A charla terá lugar o martes día 9 na aula de música, ás 16:00.

                                                                                            Un saúdo

María    C.

                                               Coordinadora do Equipo de Natureza.

CHOVE NOS VERSOS

NO MES DE MARZO, AS CHICHARRAS APRENDEMOS E ILUSTRAMOS UN POEMA DE ANTONIO GARCÍA TEIJEIRO, DO SEU LIBRO "CHOVE NOS VERSOS", UN POEMA MOI ACAÍDO PARA ESTE CURSO TAN CHUVIOSO QUE LEVAMOS:

QUERERES DE CHICHARRAS

ESTE ANO SEGUIMOS TRABALLANDO OS AFECTOS E UNHA PARTE MOI IMPORTANTE É SABER EXPRESALOS. ADEMAIS , EXPRESALOS EN GALEGO É ALGO QUE APRENDEMOS NA ESCOLA. ASÍ NOS QUEDOU A PRESENTACIÓN:

DÍA DA POESÍA

Polo día da poesía os hamsters, xunto cos nenos e nenas de 1º, estamos aprendendo un poema de Rosalía de Castro. Cada neno e nena tiña que aprender un verso, pero cal é a nosa sorpresa, cando nos demos conta de que o sabiamos enteiro, e así foi como nos quedou.

AMORES DOS HAMSTERS

Fomos a unha conferencia.

As chicharras fomos á clase de Segundo. Aprenderan moitas cousas dos homes e mulleres prehistóricos, e fomos escoitalos. Estivemos moi atentos!!!

Tomamos decisións

Como medran estas tartarugas! A semana pasada tivemos que decidir que tempo queriamos poñer no noso mural do mar: sol ou chuvia. Todos comezaron a dicir o que preferían pero démonos conta de que dese xeito non chegabamos a ningunha conclusión. Así que, tras unha breve explicación, puxémonos mans á obra! Rafa, o encargado foi apuntando cada unhas das decisións poñendo un pauciño ao lado do debuxo do sol ou da chuvia.

Aquí vos deixamos un pequeno vídeo para que vexades que ben o fixeron!

Ao rematar as votacións, contamos os pauciños, escribimos os números e vimos quen gañou: o sol! 

Rimas de amor

Extraordinaria foi a participación das familias na convocatoria de rimas de amos para os seus fillos. Unha vez máis agradecemos ás familias a colaboración que prestan nas nosas propostas e a boa disposición cara a lingua. Recibimos máis e cen rimas en galego dedicadas aos nosos alumnos e alumnas sin que a convocatoria mencionara expresamente este requisito. O Equipo de biblioteca e o de Dinamización Lingüística, valoran este feito moi positivamente e non poden deixar de felititar a todas as familias por compartir palabras tan fermosas cos seus fillos. Aqui podemos ver algunhas das rimas:

OUTRO PAPÁ QUE SABE MOITO DE BARCOS

AS CHICHARRAS ESTAMOS DE SORTE: ONTE FOI O PAPÁ DE NAIARA (DAVID) O QUE VEU Á NOSA CLASE A CONTARNOS COUSAS INTERESANTÍSIMAS DE BARCOS: COMO SE FAN, CALES SON AS SÚAS PARTES, CANTAS CLASES DE BARCOS HAI,...
ENSINOUNOS MOITAS REVISTAS CON FOTOS DE BARCOS E DEIXOUNOS ALGUNHAS NA CLASE PARA QUE AS POIDAMOS VER E APRENDAMOS UN MONTÓN.

                            MOITAS GRAZAS, DAVID!

FALANDO DE BARCOS...

NA CLASE DAS CHICHARRAS ESTAMOS TRABALLANDO NUN PROXECTO SOBRE BARCOS E HOXE RECIBIMOS UNHA VISITA MOI INTERESANTE:
 VEU ALBERTO, O PAPÁ DE DAVID, E CONTOUNOS UN MONTÓN DE COUSAS SOBRE OS VELEIROS. TROUXO UN BARQUIÑO PEQUENO PARA QUE VÍSEMOS COMO SON, ENSINOUNOS LIBROS E REVISTAS CON FOTOS CHULÍSIMAS ...E UNHA VELA DE VERDADE, TAN GRANDE,TAN GRANDE, QUE CASE NON CABÍA NA NOSA AULA...

                           MOITAS GRAZAS, ALBERTO! 

QUERIDOS HÁMSTERS

COMO VOS VIVIDES AO LADIÑO DO MAR, GUSTARÍAME APRENDER MÁIS COUSAS SOBRE O MAR.

QUERÉDESME AXUDAR?

PODEDES DICIRME  PARA QUÉ SERVEN AS BATEAS?

Hora de biblioteca na clase dos pequenos

As nais do equipo de apoio á biblioteca escolar estiveron poñendo  etiquetas cos números ben grandes na portada de todos os libros de Infantil ( de 3 a 6 anos) para que eles mesmos poidan ler o número de rexistro.
E unha maneira de ir aprendendo a identificar os números.
Ides ver que ben o fan. Veredes que levan nas carpetas de préstamos o número de carné da biblioteca escolar.

QUERIDAS CHICHARRAS

COMO VOS VIVIDES AO LADIÑO DO MAR, GUSTARÍAME APRENDER MÁIS COUSAS SOBRE O MAR.

QUERÉDESME AXUDAR?

PODEDES DICIRME  QUE É UN BALANDRO?

QUERIDAS TARTARUGAS

COMO VOS VIVIDES AO LADIÑO DO MAR, GUSTARÍAME APRENDER MÁIS COUSAS SOBRE O MAR.

QUERÉDESME AXUDAR?

PODEDES DICIRME  ONDE SE CRÍAN OS MEXILLÓNS?

OS HAMSTERS INVESTIGAMOS SOBRE AS BATEAS

Os Hamsters recibimos unha carta de Paco. Quería aprender cousiñas sobre o mar, concretamente sobre as bateas. Preguntounos: PARA QUE SERVEN AS BATEAS?. As respostas dos nenos e nenas de 6º de Infantil foron as seguintes:
- Para pescar peixes.
- É un barco para navegar en lagos.
- Sirve para que nazan peixes.
- Para pescar medusas.
- Para agarrar cousas.
-Para coller polbos, mariscos, centolas,...
- Para coller mexillóns e caranguexos.
- Para que nazan as crías dos mexillóns.
- Para coller mexillóns e despois comelos.
- Para coller caranguexos e peixes.
- Son unhas táboas que están no mar, que son rectangulares, debaixo hai unhas cordas con mexillóns colgados. Despois veñen os barcos e collen os mexillóns e lévannos as tendas e supermercados e despois vai a xente e compraos.

Como non nos poñiamos de acordo decidiron preguntarlles os papás e mamás, que eles saben de todo.
Fixemos hoxe a nota, así que mamás e papás dos Hamsters, necesitamos a vosa axuda para esta nova investigación.

4º e 5º no PORTO DE VIGO

ESTIVEMOS NO PORTO DE VIGO, QUE É MOI GRANDE, TEN AS LONXAS, OS VIVEIROS, A FÁBRICA DE XEO... NÓS ESTIVEMOS NA LONXAE NOS VIVEIROS DE MARISCO:

ENTROIDO 2013