CADEA ANUAL MONTESSORI

 BO DÍA, FAMILIAS!:
A PROPOSTA DE HOXE É COMO FACER UNHA CADEA ANUAL INSPIRACIÓN MONTESSORI.

 UN CALENDARIO ANUAL PARA ACHEGAR DE FORMA SINXELA OS CONCEPTOS ABSTRACTOS DO TEMPO ÁS CRIANZAS.
QUE É A CADEA ANUAL?

A CADEA ANUAL MONTESSORI OU RITMO DA VIDA É UN MATERIAL MANIPULATIVO ONDE EVIDENCIAR O PASO DO TEMPO E O RITMO DA VIDA DURANTE UN ANO. É UNHA FORMA GRÁFICA E TÁCTIL ONDE PODER IR COMPRENDENDO ESTA

ABSTRACCIÓN E IR VENDO A EVOLUCIÓN DOS DÍAS, AS ESTACIÓNS DO ANO E OS EVENTOS IMPORTANTES DA FAMILIA.
PARA ISO, A PARTIR DUN CORDEL QUE REPRESENTARÍA A LIÑA TEMPORAL DO ANO, A CRIANZA VAI POÑENDO UNHA PEZA CADA DÍA E, ASÍ, DÍA TRAS DÍA O CORDEL VAISE ENCHENDO DO NOSO DÍA A DÍA, INCORPORANDO DATAS DESTACADAS (COMO OS NOSOS ANIVERSARIOS) OU ENGADINDO OS MOMENTOS DE CAMBIOS DE ESTACIÓNS. TAMÉN SE PODERÍA PARTIR DUNHA LIÑA TEMPORAL COMPLETA COAS 365 PEZAS. DESTA FORMA VAS RESTANDO DÍAS AO ANO NO CANTO DE SUMALOS.


 MATERIAIS PARA FACER UNHA CADEA ANUAL INSPIRACIÓN MONTESSORI CASEIRA


• 366 PINZAS DE MADEIRA (PODES OPTAR POR PINZAS MÁIS PEQUENAS SE QUERES QUE CHE QUEDE UNHA CADEA MÁIS CURTA!).
• CORDEL.
 • 12 CINTAS DECORATIVAS OU PINTURA PARA PINTAR AS PINZAS.
 • 4 TIRAS DE TEA PARA REPRESENTAR: PRIMAVERA, VERÁN, OUTONO E INVERNO.
• PAPEL E TESOIRAS/ TROQUEL.
 • BOLSA DE TEA (OPCIONAL).
 COMO FACER UNHA CADEA ANUAL INSPIRACIÓN MONTESSORI ?
A CADEA ANUAL ESTÁ FORMADA POLOS 12 MESES DO ANO QUE SE REPRESENTAN CUNHA COR CADA MES E QUE ADOITA ESTAR RELACIONADO TAMÉN COA ÉPOCA ESTACIONAL. ASÍ NECESITARÁS 12 TONALIDADES DISTINTAS. ASÍ CADA MES VAI NUNHA GAMA QUE, VAI RELACIONADA CO RITMO DA VIDA WALDORF.
 1. XANEIRO: LILA (31 PEZAS). 2. FEBREIRO: AZUL (29 PEZAS ESTE ANO). 3. MARZO: TURQUESA (31 PEZAS). 4. ABRIL: VERDE (30 PEZAS). 5. MAIO: VERDE CLARO (31 PEZAS). 6. XUÑO: PISTACHO (30 PEZAS). 7. JULIO: OCRE (31 PEZAS). 8. AGOSTO: AMARELO (31 PEZAS). 9. SETEMBRO: LARANXA (30 PEZAS). 10. OUTUBRO: VERMELLO (30 PEZAS). 11. NOVEMBRO: VERMELLO ESCURO (30 PEZAS). 12. DECEMBRO: MARRÓN (31 PEZAS).
 FORRA COAS CINTAS OU PINTA SÓ UNHA CARA DAS PINZAS. CANDO TEÑAS LISTAS TODAS AS PINZAS SÓ QUEDARÁ IR COLOCÁNDOAS CORRELATIVAMENTE. E SE CHE AXUDAN, MOITO MELLOR. ESTARÁN A REALIZAR UN FANTÁSTICO EXERCICIO DE PSICOMOTRICIDADE FINA!! 


 E QUE MÁIS NECESITAMOS SINALAR NA CADEA ANUAL?
• OS CAMBIOS DE ESTACIÓN: PRIMAVERA, VERÁN, OUTONO E INVERNO. PARA ISO COLLÍN CINTAS DE TEA DE CORES E ESTAMPADOS RELACIONADOS COA ESTACIÓN E  COLOQUEINAS NA PINZA CORRESPONDENTE AO DÍA DE CADA CAMBIO ESTACIONAL.. • OS ANIVERSARIOS: PODES ESCRIBIR O NOME DO "CUMPLEAÑERO" EN CADA UNHA, SE QUERES!.
• ACONTECEMENTO ANUAIS OU PUNTUAIS RELEVANTES. EU FÍXENO CUN ANACO DE PAPEL NO QUE DEBUXEI O IMPORTANTE. TAMÉN PODERÍAS ESCRIBILO.

  COMO UTILIZAR A CADEA ANUAL?
POIS NO NOSO CASO, QUE O TEMPO LINEAL ESTÁ COMPLETO, TEMOS DÚAS OPCIÓNS:
 1. IR RETIRANDO UNHA PINZA CADA DÍA QUE PASA E GARDALA NA BOLSA DE TEA. 2. IR VIRANDO A PINZA CADA DÍA QUE PASA, ASÍ A LINEALIDADE TEMPORAL NON SE DESMONTA E PODEREMOS VER MELLOR OS DÍAS QUE FORON TRANSCORRENDO.

QUE APRENDEMOS COA CADEA ANUAL MONTESSORI?
• A ATRAPAR E VISUALIZAR O TEMPO, ESES CONCEPTOS TAN ABSTRACTOS COMO O DÍA, O MES E O ANO, COMPRENDENDO MELLOR ESTA NOCIÓN, INTERIORIZÁNDOA DUNHA FORMA MANIPULATIVA.
 • PÓDENA UTILIZAR CRIANZAS DE DIFERENTES IDADES: TANTO SE SABEN LER COMO NON, PORQUE NON LEVA NIN NÚMEROS NIN LETRAS. AÍNDA QUE, SE CHE INTERESA, PODERÍAS POÑER CARTEIS CO NOME DE CADA MES AO COMEZO DE MES PARA QUE SE FAMILIARICEN COA SECUENCIA MENSUAL.
 • VISUALIZA UN ANO COMPLETO DUNHA FORMA SINXELA E ESTETICAMENTE MOI AGRADABLE TANTO PARA A CRIANZA COMO PARA O LUGAR ONDE SE POÑA, PERO A PARTE PERMITE VER O CICLO ANUAL QUE COMEZA EN XANEIRO E ACABA EN DECEMBRO, VOLVENDO COMEZAR EN XANEIRO.
 • AXUDA A RELACIONAR O MES COA ESTACIÓN DO ANO E A SÚA GAMA CROMÁTICA; CORES QUE SON RECOÑECIBLES TAMÉN NA NATUREZA. • ACHEGA NOCIÓNS DE PASADO, PRESENTE E FUTURO, ABSTRACCIÓNS TAMÉN DIFÍCILES DE ENTENDER E QUE, SE DEIXAMOS AS PINZAS DE DÍAS PASADOS DADAS VOLTA (COMO NA MIÑA PROPOSTA), EVIDENCIAMOS AÍNDA MÁIS O PASO DO TEMPO.
• AXUDA A LEVAR MELLOR A ESPERA DUN ACONTECEMENTO SINALADO, TENDO MOI PRESENTE E VISUALMENTE CANTO TEMPO FALTA PARA ESE GRAN MOMENTO
. • É UNHA MANEIRA PRECIOSA DE COMPARTIR EN FAMILIA TODO O QUE VIVIMOS E QUEDARÁ POR VIVIR SEGUINDO O RITMO DA NOSA VIDA…
 
ESPERO QUE VOS GUSTE A ACTIVIDADE E  QUE MEREZA  A PENA O TRABALLO!!
UNHA SÚPER APERTA!!!