28/02/2014

A nosa murga do Entroido

Os nenos e nenas de infantil queremos amosarvos a nosa murga.



Tamén podedes escoitala!




26/02/2014

Milo, o coello branco

Na clase de música cantamos e bailamos a canción de "Milo, o coello branco". A que poñemos cara de coelliños de verdade? A letra e a música é de Susa Herrera. Está no seu libro "Animais encantadores".

Programa para o día do Entroido

                         
Os nenos e nenas de terceiro curso de primaria fixeron o cartel coa programación que imos seguir o venres 28 de febreiro, na celebración do Entroido. Aquí o tedes:


                                

25/02/2014

APRENDEMOS SOBRE TRENS

Hoxe tivemos a sorte  de recibir a visita de Berto, un empleado de Renfe, e pai dun pingüín, que se ofreceu a vir  contarnos cousiñas sobre os trens. Explicounos moitísimas cousas, pero o que máis nos gustou foi que nos ensinara os trens-bala, non sabiamos que existían!. Grazas Berto!!!


24 de febreiro, día de Rosalía

O 24 de febreiro Rosalía de Castro, cumpriría 177 anos. No día do seu aniversario os colexios do Morrazo réndenlle homenaxe recitando os seus versos, do poema Alborada de Cantares Gallegos:

21/02/2014

OS XOVES CONTAMOS NÓS

ONTE REMATAMOS AS NOSAS SESIÓNS DE "CONTADAS" DOS XOVES.
TOCOULLE A VIDA POÑER O "COLORÍN COLORADO" E FÍXOO DUNHA MANEIRA MOI ESPECIAL:
XUSTO NESTE MES DE FEBREIRO, O MES DE ROSALÍA, CANTOU  E RECITOU A SÚA FERMOSA ALBORADA, ACOMPAÑADA DA MÚSICA DE UXÍA ( DO SEU LIBRO-DISCO "ROSALÍA PEQUENIÑA" ).
FOI TAN BONITO, QUE Ó REMATAR RECIBIU UNHA CHEA DE APERTAS...TANTAS, QUE CASE A APLASTAN!










MOITAS FELICIDADES A TODOS OS NENOS E NENAS DA CLASE DOS UNICORNIOS E ÁS SÚAS FAMILIAS 
( QUE LLES AXUDARON A PREPARAR OS CONTOS E OS POEMAS ), PORQUE O FIXERON MARABILLOSAMENTE BEN:

SODES UNS CONTADORES E CONTADORAS ESTUPENDOS!

18/02/2014

ACUARELEANDO

As tartarugas pintamos estes días as máscaras de Entroido e utilizamos por primeira vez as acuarelas. Mirade que maiores somos!!

15/02/2014

SAN VALENTÍN

POLO DÍA DE SAN VALENTÍN, BICOS SEN FIN!!!


Aprendemos a sumar!

Hai un par de semanas, na clase dos Pingüíns sucedeu algo que non tiñamos previsto... aprendemos a sumar! Si, si, a sumar, como os maiores. Xa xuntabamos elementos, pero aínda non lle chamabamos suma nin empregabamos a simboloxía. Pois agora todo o sumamos, sumamos na asemblea, sumamos as letras das palabras, facemos os símbolos cos dedos,... ata na clase de Tics atopamos un xogo de sumar!






13/02/2014

NOVA VISITA POÉTICA ÓS UNICORNIOS

HOXE  VIÑERON OS NENOS E NENAS DE 4º Á NOSA CLASE E DÉRONNOS OS BOS DÍAS CUN PRECIOSO POEMA DE XOSÉ LOIS GARCÍA: O NENO E O XABARÍN.

                                                   -XABARÍN, XABARÍN
                                                    QUE FAS NO MEU XARDÍN?

                                                  - BUSCO UN BRINQUEDO
                                                    NESTE LINDO ARBOREDO.

                                                  - BRINQUEMOS NO ARREDOR
                                                          A XABARÍN E CAZADOR.

                                                        - EU NON 
                                                          GOSTO DA GUERRA
                                                          SÓ QUERO PAZ NESTA TERRA.

                                                        - XABARÍN, XABARÍN
                                                          TOCARÁS NO MEU VIOLÍN?

                                                        - NESTE LUGAR DE SOIDADE
                                                          FAREMOS A NOSA AMISTADE.
                                          (  XOSÉ LOIS GARCÍA )


QUE BEN O FIXERON!
ENCÁNTANNOS ESTAS VISITAS!

Bailamos na clase de música

Na clase de música de hoxe bailamos con panos de cores. Mirade que ben o facemos! Encántanos!

11/02/2014

VISITA SORPRESA NA CLASE DOS UNICORNIOS

ESTA MAÑÁ ,CANDO ESTABAMOS NA HORA DE LER,RECIBIMOS UNHA VISITA INESPERADA :
OS NENOS E NENAS DE 4º VIÑÉRONNOS DAR OS BOS DÍAS DUNHA MANEIRA MOI ESPECIAL: RECITÁNDONOS UNHA FERMOSA POESÍA DE ANTONIO GARCÍA TEIJEIRO.

                                             VENTOS

                     Que veña o vento fungón,
                     Que lle quero pero preguntar
                     A cor dos ollos das nubes,
                     A cor dos ollos do mar.
                     Eu coido que son azuis
                     Verdes, grises, de cristal,
                     Mais calquera cor que teñan
                     Será sempre a cor da paz.

                  ( Antonio García Teijeiro )





                                              MOITAS GRAZAS!
                               ENCANTOUNOS!!!

06/02/2014

OS XOVES CONTAMOS NÓS

NO MEDIO DO TEMPORAL,YASMINA  RECITOU HOXE UNHA PRECIOSA POESÍA, A DA  MONA JULIETA,Á QUE LLE PASABAN UNHAS COUSAS ALGO RARAS (PARA UNHA MONA...).



  

04/02/2014

OS MELLORES DO MES

AQUÍ ESTÁN O CONTO E A POESÍA QUE MÁIS NOS GUSTARON  ÓS UNICORNIOS NO MES DE XANEIRO.


                                      O CONTO FAVORITO























                            A POESÍA FAVORITA




03/02/2014

INVESTIGAMOS SOBRE O SOL.: VÍDEOS QUE NOS GUSTAN 2

Encántanos esta canción de Enrique y Ana sobre os planetas, non deixamos de cantala todo o día! Así que decidimos colgala no blog para poder cantala sempre que queiramos. Aínda que nos demos de  conta de que ten un pequeno erro, xa que, logo dunha minuciosa investigación pola wikipedia e youtube, sabemos que agora Plutón non se considera un planeta como o resto, senón que é un planeta anano.


Un saúdo, 
OS PINGÜÍNS