INFANTIL EN QUINTELA

DÍA ESCOLAR POLA PAZ

2012-01-30T22:17:00.000Z

HOXE, 30 DE XANEIRO, CELEBRAMOS O DÍA ESCOLAR POLA PAZ E A NON VIOLENCIA. TODA A SEMANA ESTIVEMOS FALANDO SOBRE ESTE TEMA E CADA CLASE FORMULOU OS SEUS DESEXOS DE PAZ PARA O MUNDO. FORON OS QUE ENVIAMOS PRENDIDOS DOS GLOBOS, NON SABEMOS ATA ONDE CHEGARÁN:

2012-01-04T21:41:00.000Z

O primeiro vídeo da clase de tres anos:

2012-01-02T22:00:00.000Z

A panxoliñas dos pitiños:

FESTA DE NADAL

2012-01-02T21:24:00.000Z

O DÍA DA FESTA DE NADAL, RECIBIMOS A VISITA DOS REIS MAGOS. TIÑAMOS UNS TRONOS PREPARADOS PARA QUE PUIDERAN DESCANSAR E MENTRES O FACÍAN CANTÁMOSLLE UNHA PANXOLIÑA, A QUE VEREDES NO VÍDEO DA SEGUINTE ENTRADA.ENTREGÁMOSLLE AS NOSAS CARTAS E DESPOIS ELES DEIXÁRONNOS OS SEUS AGASALLOS PARA CADA CLASE. A MERENDA VEU DESPOIS E OS XOGOS NO PATIO. ESTA É A REPORTAXE:

VISITA A CORREOS

2012-01-02T19:40:00.000Z

AQUÍ ESTÁ A REPORTAXE FOTOGRÁFICA DA VISITA Á OFICINA DE CORREOS. ELABORAMOS A NOSA TARXETA DE NADAL, APRENDEMOS O QUE ERAN AS FELICITACIÓNS, AS CARTAS, AS DIRECCIÓNS..E COMO ERAN AS OFICINAS ONDE SE ORGANIZA O CORREO:

Equilibristas!

2011-12-19T20:09:00.000Z

Os nenos e nenas de 4º curso de infantil xa son uns expertos en habilidades de equilibrio nas clases de psicomotricidade.

Aínda que o camiño de ladrillos se desfacía con facilidade cando subían nel, ao final conseguiron pasalo sen que se rompera.

As rodas e o tunel tampouco supuxeron ningún obstáculo para estes exploradores.

O andar sobre un camiño de cordas, custou un pouquiño, pero tamén conseguiron facelo sen problemas.

O banco daba un pouco de medo, sobre todo ao subir.

O túnel grande...... o que máis impresionou e gustou. Están feitos un campións!!!!

A CASTAÑA NO OURIZO

2011-12-07T11:14:00.002Z

ESTIVEMOS APRENDENDO REFRÁNS DE OUTONO. AQUÍ TEMOS O DE 6º DE INFANTIL:

CALCULANDO, COMPARANDO

2011-11-12T18:58:00.001Z

O DÍA DO MAGOSTO TROUXEMOS MOITAS CASTAÑAS AO COLE.
CADA UN TIÑA A SÚA BOLSA E TODOS ESTABAMOS DE ACORDO EN DÚAS COUSAS:
-TODOS E TODAS TIÑAMOS MOITAS CASTAÑAS
- UN MESMO ERA O QUE TROUXERA MÁIS QUE TODOS.

EN REALIDADE O QUE A PROFE QUERÍA ERA QUE LLE PUXERAMOS UNHA CANTIDADE A AQUELAS CASTAÑAS, OU QUE DE ALGÚN XEITO DIFERENCIARAMOS E ORDENÁRAMOS AS CANTIDADES.
PRIMEIRO ORDENÁMOLAS FACENDO UNHA FILA ....E TODAS AS FILAS ERAN MOI GRANDES!

ASÍ QUE FIXEMOS RODAS CON ELAS....AGORA SÍ QUE ERA FÁCIL VER CALES ERAN MÁIS GRANDES!!

AÍNDA ASÍ ACORDAMOS TRES CATEGORÍAS: SUPERGRANDES, MOI GRANDES E GRANDES!!!
SEN DIFICULTADE FOMOS QUEN DE POÑER O NOSO CÍRCULO NUN DESTES TRES GRUPOS.
e ASÍ IMOS APRENDENDO QUE NON TODAS AS CANTIDADES SON IGUAIS, E QUE UNHAS SON MÁIS GRANDES QUE OUTRAS .

MAGOSTO!!!

2011-11-12T18:41:00.000Z

CHEGOU O S. MARTIÑO E CON EL A FESTA DO MAGOSTO, COS SEUS XOGOS E AS SÚAS CASTAÑAS:

CHEGOU O SAMAÍN!!

2011-11-12T18:08:00.000Z

COMA TODOS OS ANOS O OUTONO TROUXO O TEMPO DAS SAMAÍN E O DÍA NO QUE AS CABAZAS FORON AS PROTAGONISTAS. AS FAMILIAS TALLARON AS SÚAS CABAZAS E ENCHERON O COLE DE ORIXINAIS OBRAS DE ARTE, PARA MARABILLAS A TODOS OS NENOS E NENAS.

Conto do mes, poema do mes

2011-11-03T21:53:00.001Z

Os nenos e nenas da clase dos peixes (6º de Infantil) escolleron o conto do mes, e o poema do mes:

Que é o Samaín?

2011-10-31T18:38:00.002Z

Samaín

View more presentations from bibliotecadocole

CORRE,CORRE CABACIÑA

2011-10-26T16:53:00.000+01:00

ESTA SEMANA ESTIVEMOS CONTANDO O CONTO "CORRE, CORRE, CABACIÑA", E TAMÉN APRENDEMOS A CANCIÓN DE ALMUDENA JANEIRO EN "CONTOS EN CANTOS". pODEDES SEGUIR PRACTICANDO CON ESTE VÍDEO:

XOGANDO NO SAMAÍN

2011-10-26T16:44:00.000+01:00

PREME NA IMAXE PARA XOGAR:

ESTE É UN XOGO LIM DO CEIP PAZOS DE FERROL, QUE ATOPAMOS NO SEU BLOG: PEQUESPAZOS

PRIMEIRA VISITA Á BIBLIOTECA

2011-10-15T10:53:00.000+01:00

Os pequenos e pequenas de 4º de Infantil fixeron a súa primeira visita á "biblioteca de Paco".

En realidade era a mirioteca, a vidioteca, bidoteca.... en fin pronto aprenderemos a decir biblioteca, pero o que nos quedou claro é que alí hai moitísimos contos e que Paco (aínda non sabemos moi ben se é un rato ou unha persoa) ten moitas sorpresas para eles.

Entre elas un agasallo :a bolsa onde poderemos levar e traer os contos que Paco nos presta.

O primeiro que fixemnos foi xogar con Paco a un xogo de apropiación do espazo, no que unha silueta de Paco era agachada polos diferentes recunchos da biblioteca. As zonas nas que debían atopar a Paco nesta sesión eran:

- a zona dos contos de

etiqueta azul

- a zona dos contos de etiqueta vermella

- a zona dos contos de etiqueta verde

- o ordenador para prestar contos

-o ordenador para utilizar os nenos e nenas

-a zona para sentar e ler.

Gustounos moito xogar con Paco e así de contentos nos poñiamos cando atopababamos a silueta. En sesións posteriores, practicaremos xogos que permitan coñecer a colección dedicada a súa idade.

IMOS SER LEÓNS!

2011-10-10T22:57:00.000+01:00

CO NOVO CURSO CAMBIAMOS DE CLASE, SENTÍMOSNOS UN POUCO MÁIS GRANDES AO DEIXAR A CLASE DAS TARTARUGAS.
VOTAMOS ENTRE TODOS E DECIDIMOS SER LEÓNS, PORQUE NOS GUSTAN OS ANIMAIS E ESTES SON MOI FORTES.

XA ESTAMOS EN 6º

2011-09-29T22:33:00.000+01:00

COMENZOU O NOVO CURSO E AGORA SOMOS OS MAIS VELLOS DE INFANTIL. XA ESTAMOS EN 6º!
ESTAMOS NO COLE GRANDE E XA NOS SENTIMOS UN POUCO MÁIS GRANDES.
DECIDIMOS SER A CLASE DOS PEIXES E PENSAMOS APRENDER MOITAS COUSAS ESTE ANO.

EXCURSIÓN A VIDE

2011-06-19T20:40:00.000+01:00

O Piripimpin

2011-06-16T22:36:00.000+01:00

Mañá en Vide imos cantar o Pirimpinpim, para practicar mirade este vídeo que enlazaron no seu blog:

e este outro de Malvela:

Imos a Vide!!

2011-06-16T22:06:00.000+01:00

O venres 17 por fin imos visitar a escola dos compañeiros de Vide,, no concello de As Neves que o curso pasado estiveron con nós en Moaña. Esta é a mensaxe que nos enviaron para invitarnos:

Para quintela

View more presentations from bibliotecadocole.

IMOS Ó MUSEO

2011-06-15T01:07:00.000+01:00

O LUNS DÍA 13 AS NENAS E NENOS DE INFANTIL VISITAMOS A CASA DAS ARTES DE VIGO PARA VER A EXPOSICIÓN DA PINTORA MENCHU LAMAS.
QUEDAMOS IMPRESIONADAS/OS CON AQUELES CADROS TAN GRANDES E BONITOS!

A princesa do Caurel

2011-05-25T18:57:00.000+01:00

Os nenos e nenas de 5º de Infantil contando para todos "A princesa do Caurel"

LIM sobre Lois pereiro

2011-05-08T18:40:00.000+01:00

En abril e todo o ano.....contos!

2011-04-27T09:23:00.005+01:00

Os leons e leoas, de 5º de Infantil, contáronlle un conto aos golfiños, de 6º de Infantil:O GLOBO VERMELLO

DÍA DA POESÍA

2011-03-28T11:18:00.002+01:00

MAQUILLAXE DE ENTROIDO

2011-03-15T20:30:00.000Z

A FESTA DE ENTROIDO

2011-03-13T22:24:00.000Z

E chegou o día e todos e todas vestímonos de curruvellos e curruvellas. Daban medo as carautas que non coñeciamos, pero enseguida descubrimos quen era o que nos quería asustar.

APRENDENDO SOBRE O ENTROIDO

2011-03-13T19:10:00.001Z

Para aprender que son os CURRUVELLOS, estivo con nós Geno Piñeiro, da Asociación Cultural Meiramar-Axóuxeres, onde bailan algúns dos pais e nais dos leóns.

XA CHEGA O ENTROIDO !

2011-03-02T20:27:00.001Z

XA NON QUEDA NADA PARA O ENTROIDO E NAS AULAS DE INFANTIL ESTÁMONOS PREPARANDO CON CARAUTAS E ANTIFACES.

A VER SE NOS RECOÑECEDES!

É mentira!

2011-03-01T17:13:00.003Z

Hoxe estivemos no salón do libro de Pontevedra. Este ano está dedicado ás mentiras nos contos. Puidemos ver a grandes mentireiros, como Pinocho, o lobo de Carapuchiña ou a bruxa de Hansel e Gretel. Xogamos a dicir mentiras e gustounos moito volver a atoparnos co lobo Orbil, a mascota do salón.

Xogo sobre o corpo humano

2011-02-14T21:52:00.004Z

Desde o Ceip Santo Paio de Abaixo en Redondela , chéganos este xogo interactivo, vía Actividades Lim.::

Concurso de cartas de amor

2011-02-10T17:32:00.002Z

Os nenos e nenas maiores do cole están facendo cartas de amor.Son cartas de amor aos amigos, a súa mascota, aos seus irmás, aos seus pais,..
Despois van presentalas ao concurso de cartas de amor que convoca a biblioteca do noso cole, por segundo ano.
Este curso tamén hai concurso para pais e nais. Animádevos.
Mirade aqui si queredes saber mais.

O QUE ME GUSTA DO COLE

2011-02-10T11:49:00.004Z

AS TARTARUGAS DEBUXÁRONSE E CONTANNOS O QUE MAIS LLES GUSTA DO COLE:

DESEXOS DE PAZ

2011-02-07T21:30:00.001Z

Desexos de paz

View more presentations from dinamizanormaliza

Contos de Paz desde Vide

2011-01-23T21:01:00.003Z

Desde Vide eses amigos que temos en As Neves, vía Sarmenteiros chéganos esta recompilación de contos de paz. Moitos deles poderedes atopalos na exposición que preparamos entre todos e todas:

FONTECAN

2011-01-19T10:25:00.004Z

Hoxe, mércores, con motivo de estar traballando o Proxecto da auga en Moaña, fomos visitar a fonte de Fontecan. Costounos un pouco atopala porque está un pouco escondida, pero agora xa sabemos onde podemos ir a coller auga cando estemos xogando na alameda e no parque.

Felices festas

2010-12-24T20:08:00.001Z

As fontes en Moaña

2010-12-20T20:59:00.002Z

As fontes en moaña

View more presentations from bibliotecadocole.

FONTE DE RIALDARCA

2010-11-26T16:32:00.008Z

O xoves fomos visitar a Fonte e Lavadoiro de Rialdarca. Levamos as nosas botellas e collemos auga na fonte, lavamos roupa no lavadoiro que amablemente nos deixaron dúas veciñas nosas e aproveitamos para camiñar un pouco ó carón do río. Xa coñecemos dúas fontes: Entrevalos e Rialdarca. Esperamos seguir coñecendo moitas más. Grazas a todas as familias pola vosa colaboración!Os nenos e nenas están entusiasmados con este proxecto sobre a auga.

A FONTE DE ENTREVALOS

2010-11-24T10:10:00.005Z

Hoxe, mércores, as tartarugas fomos visitar a fonte que temos ao lado do cole: a Fonte de Entrevalos. Aproveitamos para encher as nosas botellas e probar esa auga tan rica. Fomos tamén ao Lavadoiro da Miranda a lavar. Gustounos moito, aínda que menos mal que temos lavadoras!.

Carta de Paco

2010-11-18T10:00:00.000Z

QUERIDOS AMIGOS E AMIGAS DE INFANTIL:

Levo xa nove anos na biblioteca do voso cole e aínda non me ensinastes como é o pobo onde vivimos.

Este ano gustaríame coñecer un pouco máis de Moaña,onde está, como se chaman os seus ríos, as praias, as festas, en que traballan as súas xentes...

SABEDES QUE 2010 É O ANO INTERNACIONAL DA AUGA?

A min gustaríame saber que auga é boa para beber en Moaña, e que é unha fonte.
Podedes axudarme?
Espero as vosas respostas!

Para buscar a información, na biblioteca escolar, ou na páxina de recursos:

PROXECTO AUGA

MAGOSTO

2010-11-12T20:54:00.008Z

O venres celebramos o Magosto no colexio. Fixemos uns cestiños con moito colorido para poder comer as ricas castañas asadas. E como non, xogamos a algúns xogos populares, como a pita cega, os aros, os birlos e as cadeiras solidarias.

SAMAÍN

2010-11-04T11:48:00.007Z

O venres celebramos o Samaín. Os nenos e nenas trouxeron cabazas decoradas e puxéronlles nomes moi divertidos: Spiderman, Lola, Terrorífica, Susi, Home cable con araña xigante na cabeza, Tartaruga, León, Gatiño, ... Apagamos as luces, encendemos as cabazas e realmente DABAN MOITO MEDO!

Seguimos de excursión

2010-11-01T20:01:00.003Z

Na clase de 6º, explicáronnos que tiñan os libros ordenados por coleccións, que decoraran a biblioteca cun díptico do seu libro preferido e que ao lado do ordenador colocaran os libros que lles gustaban de pequenos, para ensinárnolos a nós.

De excursión polo cole III

2010-11-01T19:40:00.005Z

Na clase de 4º, aprendemos que o índice sérvenos para buscar o que queremos nos libros, sen ter que revisar todas as follas. Nós xa o sabiamos pero non llo dixemos, o que non sabiamos era utilizar marcadores para sinalizar as páxinas que nos gustan. Isa regalounos uns marcadores rosas que imos utilizar enseguida.
Os nenos e as nenas explicáronnos como decoraran a súa biblioteca e cales eran os libros que máis lles gustaban.Tamén nos prestaron o seu libro de golfiños, imos coidarllo moito!

De excursión polo cole II

2010-11-01T19:09:00.009Z

Na clase de segundo ensináronnos os contos que máis lle gustaban e Anxo leunos un poema da Lúa que nos gustou moito:

AS TARTARUGAS

2010-10-21T11:30:00.007+01:00

Ola a todos e todas! Somos as tartarugas de Quintela. Comezamos o cole fai moi pouquiño. Ó principio estabamos un pouco desorientados, pero pouco a pouco xa aprendemos a merendar soliños, onde se colocan as cousas, onde están os baños, etc. Estas son algunhas das actividades que fixemos os primeiros días.

Inicio de curso

2010-09-07T15:01:00.000+01:00

As clases comenzan o día 10 de Setembro, no horario habitual; de 9 a 2.

As actividades de tarde empezarán no mes de outubro

Rimas das pelotas

2010-06-25T20:06:00.001+01:00

As pelotas fan rimas cos seus nomes:

Estes somos nós

2010-06-25T19:37:00.000+01:00

Os nenos e nenas de tres anos contánnos o que lles gusta:

Os paraugas

2010-06-25T18:55:00.001+01:00

Os nenos e nenas de tres anos e os paraugas:

FELICES VACACIÓNS, PONIS!

2010-06-22T13:11:00.004+01:00

A fermosa viaxe que comezamos xuntos chegou ó seu fin. Rematamos unha etapa xuntos e xuntos empezamos outra. Durante estes tres anos medrastes moito e aprendemos moitas cousas xuntos:a ler, a contar, a xogar, a compartir, fixemos moitos amigos e amigas, cantamos, pintamos, lemos moitos contos,... Tivemos bos momentos, e dos outros tamén, pero quedo coas vosas risas, os perdóns, a emoción, o xogo e o voso cariño.
FELICES VACACIÓNS PONIS!
BIQUIÑOS, ANA

VISITA DOS NENOS E NENAS DE VIDE

2010-06-22T09:19:00.002+01:00

O xoves fixemos unha xuntanza cos nenos e nenas de Vide. Viñeron en tren ata Vigo, en barco ata Moaña, e despois de dar un paseo por Moaña, viñeron a visitar o noso colexio e a coñecernos a todos e todas. Comimos todos xuntiños en Meira, e pola tarde, xogamos a moitas cousas divertidas: carreiras de sacos, comer a mazá, cos ovos,... Grazas por vir a visitarnos!

A escola de Vide

2010-06-15T20:17:00.001+01:00

DE VIDE A MOAÑA

View more presentations or Upload your own.

10 Razóns para elexir galego como lingua materna

2010-06-15T19:55:00.000+01:00

decalogoInfantil

ALUMNADO NOVO DE 3 ANOS

2010-06-10T16:34:00.004+01:00

O martes 1 de Xuño recibimos aos pais e nais dos nenos e nenas de 3 anos para o curso 2010-2011. Falamos con eles da chegada dos seus fillos e fillas ao noso colexio o vindeiro setembro. Os días 2 , 3 e 4, no horario de recreo visitáronnos os nenos e nenas, xogamos, coñecémonos e tiveron un primer encontro co seu novo colexio. Dámoslle a benvida e para que se vaian facendo unha idea do que facemos no cole:

POEMA: "PARAUGAS"

2010-06-10T15:22:00.005+01:00

Os nenos e nenas de 4º de Infantil aprenderon este poema de Gloria Sánchez, e traballaron moito nel, facendo os debuxos e grabando as súas voces. Escoitádeo, xa veredes que ben lles quedou:

PARAUGAS:

UNHA MAÑÁ PITIÑO PISPÍN

SAIU A PASEAR.

DÍXOLLE A NUBE:

"PIN-PIRÍN-PIN, PITIÑO PISPÍN,

COAS MIÑAS PINGAS, HEITE MOLLAR".

DÍXOLLE O PITO:

"TEÑO PARAUGAS

PARA AS TÚAS PINGAS,

PAN-PARÁN-PAN".

Un poema de Gloria Sánchez. "Rimas con letra", Xerais.

VISITA A EXPOSICIÓN DE LUIS SEOANE

2010-06-09T19:14:00.006+01:00

Hoxe, os nenos e nenas de Infantil, fomos a Vigo a visitar a exposición de pintura de Luis Seoane en Caixanova. Esta exposición organizouse con motivo do centenario do nacemento do artista galego nacido en Buenos Aires. Vimos moitas obras: "As mariscadoras", "Paisaxe", "Noticias dos homes", e outras moitas que nos gustaron.

Dona Carme

2010-06-01T22:49:00.004+01:00

Aquí temos, vía Brétemas, o conto de Dona Carme que tanto nos gusta:

Dona Carme

View more presentations from ryusak10.

Para a escola de Vide

2010-06-01T22:25:00.004+01:00

Estamos preparando un encontro coa Escola de Vide, en As Neves. Esta é a invitación que lle mandamos para que veñan coñecer Moaña:
Para a escola de Vide 1

View more presentations or Upload your own.

ME DUELE EL CAPARAZÓN

2010-05-25T19:14:00.005+01:00

As pelotas e os ponis fomos a ver unha obra de teatro a Caixanova.A tartaruga Juan doíalle a cuncha. Nin as sopiñas, nin as visitas, nin os agasallos conseguían calmarlle a dor. Así que tivo que ir ó caparazólogo. Pero a Juan isto non lle facía ningunha gracia porque...quen non teme ir ó médico?

"Me duele el caparazón" é un espectáculo para revivir, con humos e tenrura, os temores infantís no ámbito da medicina.

1ª Edición do Correlingua do Morrazo

2010-05-23T21:24:00.002+01:00

O venres 21 participamos na primeira edición do Correlingua do Morrazo.
Xuntámonos na praza da cheminea de Massó cos outros colexios: A Rúa e O Hío de Cangas, A Pedra, Montemogos, Torre Cela, e Virxe Miragrosa de Bueu, A Laxe, Seixo e o Carballal de Marín e percorremos as rúas maís céntricas de Bueu.
Nós levábamos o noso gaiteiro particular, pero non eramos os únicos. O ambiente era festivo pero a xornada fíxose agotadora polo intenso sol.
Na praza do concello , merendamos e fixemos o que puidemos mentres Mamá Cabra daba o seu concerto:

Lecto-escritura en Infantil

2010-05-23T13:14:00.005+01:00

Lecto-escritura en Educación Infantil

View more presentations or Upload your own.

As letras están presentes no noso entorno e os nenos ven como os adultos as utilizamos de xeito habitual para desenvolvernos na vida, polo tanto, os nenos perciben a finalidade práctica da escritura e da lectura. Escribimos para elaborar listas da compra, recados, apuntar horarios, nomes, escribir cartas e mensaxes,...Lemos para buscar información, para aprender, para coñecer noticias,...

Queremos que os rapaces aprendan a ler e escribir resolvendo tarefas con un significado, por iso traballamos moito cos seus nomes, os nomes das cousas da clase, os títulos dos libros, as receitas,... Buscamos que os rapaces poidan comunicarse a través da escritura, que entendan que ten unha utilidade real.

Máis sobre Uxío

2010-05-13T12:10:00.005+01:00

Uxío Novoneyra escribeu o conto "Ilda, o corzo e o xabarín". No cole de Frián, en Vigo ,fixeron este traballo para que poidamos escoitalo:

LETRAS GALEGAS 2010

2010-05-13T12:03:00.003+01:00

Este ano dedicamos as Letras Galegas a Uxío Novoneyra,preme na imaxe para aprender algunhas cousas sobre el:

FABIOLA ACHÉGANOS A MÉXICO

2010-05-10T16:43:00.008+01:00

A semana pasada puidemos disfrutar dunha grata visita. Con nós estivo Fabiola, a nai de Aarón, unha mexicana afincada en Moaña, que pasou a mañá connosco, para achegarnos á cultura mexicana. Os nenos fixéronlle moitas preguntas: como son alí as escolas, cal é a comida e bebida típica, como son as praias, que animais hai,...

Explicounos que alí en México, hai un lago chamado Xochimilco, onde son moi típicas unhas embarcacións: as "trajineras". Puxémonos mans á obra e comezamos a facer unha con Fabiola.

Trouxo para merendar unha mestura que se chama Miguelito, que está feito de azucre e chile, para que os nenos o tomaran coa froita. Picaba un pouco pero gustoulles moito.

Obradoiro de cociña

2010-04-30T14:17:00.008+01:00

A derradeira semana de abril convertímonos en cociñeiros ao participar nun obradoiro de cociña. Na clase traballáramos as receitas e xa sabíamos que ingredientes tiñamos que usar e cales eran os pasos que tiñamos que seguir. Fixemos un saboroso batido de amorodo, unha macedonia e no obradoiro de plástica elaboramos o noso mantel individual. Rematamos agotados pero aprendemos moito. Despois a mestra de inglés lembrounos cal era o nome das froitas en inglés.

SAÍDA A FROITERÍA

2010-04-29T22:35:00.005+01:00

O mércores, os ponis fixemos a compra para os obradoiros de cociña. Fomos a froitería coa nosa lista da compra: 3 caixas de amorodos, 7 plátanos, 7 mazás, 7 peras e 7 laranxas. Cada parella estaba encargada dunha cousa: coller a froita, levar o cesto, pagar...

OBSERVANDO

2010-04-25T17:22:00.000+01:00

MIRADE COMO MEDRAN!
Así de pequerrechiños eran o 15 de abril os vermes de seda. Como vedes, xa medraron moito .
As Pelotas cada día bótanlle un tipo de follas para que coman. Probaron coas de hedra pero eles nin as tocan.
Como saberán os vermes co pequenos que son cales son as follas que deben comer?

Juan di que pensan co seu cerebro e saben que non son para comer
Pedro di que ao mellor proban unha esquina pequeniña e xa se dan conta de que saben diferente
Rubén di que ao mellor as cheiran e teñen outro cheiro que non lles gusta

O caso é que só comen FOLLAS DE MOREIRA, que lles gusta moito e os fai medrar moi rápido.
Neste vídeo podedes ver como comen:

CALCULANDO

2010-04-23T17:20:00.004+01:00

Na clase das Pelotas, querían saber cantos nenos e nenas eramos cando se xuntabas as tres clases.

Como podemos sabelo?
Na nosa clase xa sabemos que hai 16 e na das Tartarugas? Fomos preguntar e son 17.
Na clase dos Ponis son 15.
Como podemos saber cantos somos en total?
Apuntamos os datos para non esquecernos e puxemos en tres recipientes tantos obxectos como nenos e nenas de cada grupo, pero como sabemos cantos somos? A pregunta seguía se atopar resposta, contamos unha e outra vez, pero ao acabar cada grupo volvíamos a empezar e non dábamos coa resposta ata que Nacho dixo:
Profe, TIENES QUE JUNTARLOS TODOS!!! CUANDO VIENEN, ESTAMOS TODOS JUNTOS!
E así foi como descubrimos que xuntando cantidades pequenas, obtemos cantidades grandes. Movémonos polos rudimentos da suma, pero é moi importante o seu descubrimento. Xuntando obtemos cantidades máis grandes.

23 de abril,día do libro

2010-04-23T16:30:00.005+01:00

Gústannos tanto os contos e que nos lean historias que Paco, a mascota da biblioteca hoxe fíxonos un agasallo, como dicía a súa carta.
No cole estivemos falando deste día, da razón pola que se celebra, e contamos algunhas das aventuras do Quixote, ese personaxe que creou o escritor Cervantes.

Mulleres e ciencia

2010-04-23T08:49:00.000+01:00

Hoxe recibimos carta de Paco
Queridos nenos e nenas de Infantil:
Gustame moito a exposición de mulleres científicas que temos no cole.
Pero teño curiosidade por saber unha cousa:

Que inventou Mary Anderson?

Cando o saibades, podedes facerme un cartel deses bonitos que sabedes facer vós con axuda das profes ?.
E que quero presumir diante dos meus amigos do ben que traballades e investigades!!!
Este curso estamos traballando moito.
Por eso teño gardado un agasallo para toooooooodos vós.
Espero que vos guste!!!

Entrade na páxina de recursos para investigar:

A viaxe das bolboretas

2010-04-19T18:06:00.002+01:00

A Escola de Música de Moaña, igual que en cursos anteriores agasallounos co conto musicado "A viaxe das bolboretas".Cada personaxe era interpretado por un instrumento e caracterizado por un ritmo e melodía diferentes.
Clarinete, frauta,saxo, trompeta,trombón...transformados en vermes,tesoiriñas,xoaniñas,grilos... Unha acertada maneira de acercarnos ao mundo da música.
Parabéns pola execución , a selección de melodías e a adaptación do conto.

ÓSCAR VILLÁN NO COLE

2010-04-19T17:13:00.004+01:00

Óscar Villán, o ilustrador de "A Cebra Camila", "O Coelliño Branco", a colección "Do berce á Lúa", "Os dous corcovados"etc...estivo na nosa biblioteca. Viña acompañado por Charo Pita, e traían unha maleta chea de historias. Óscar facía os debuxos e Charo Pita embarcábanos nos seus contos.
Fixemos un Coelliño Branco e unha Cebra Camila xigantes, e foi moi emocionante ver como saían personaxes das mans do ilustrados.
Cando rematou agasallounos cun debuxo, e un poema.Gustounos moito!!!!

Proxecto golfiños

2010-04-14T19:29:00.002+01:00

Proxecto "Os golfiños"

See more presentations by Quintela | Upload your own PowerPoint presentations

Un contacontos moi especial

2010-04-13T20:44:00.000+01:00

"A verdadeira historia de carapuchiña", "O Anano Saltareiro", "A Cebra Camila", "O Galo Quirico", "Que parvos son os camaleóns"....estes contos e outros máis encheron o luns a nosa biblioteca nas voces dos rapaces e rapazas do IES Paralaia, que por un día actuaron para nós de contacontos .
Viñan cargados de ilusión e os pequenos puxeron as súas ganas de escoitar contos, un conxunto perfecto para gozar da lectura no mes do libro infantil, se engadimos a fonda emoción que se apalpaba na biblioteca.
Tivemos trasnos, lobos, bodas, ventos, raiñas, esquíos.... todos da man destes actores tan especiais.

A HISTORIA DUN GOLFIÑO

2010-03-29T13:58:00.005+01:00

Os nenos e nenas de 6º de Infantil decidiron que querían inventar un conto no que o seu persnoaxe fora un golfiño, así que nos puxemos mans á obra. Primeiro tivemos que inventar a historia entre todos e decidir o título. Non foi doado, porque cada un tiña unha idea, pero ao final puxéronse de acordo. Logo, decidiron que texto e debuxos ían en cada páxina, e despois, por parellas: a escribir e a debuxar!. Quedamos moi contentos de como quedou. Esperamos que vos guste.

VISITA AO SUPER 4º INFANTIL

2010-03-24T11:01:00.002Z

En 4º de Infantil estivemos aprendendo cousas sobre os alimentos, e de remate fomos visitar un súper. Tivemos que preparar unha lista da compra e pensar entre todos onde tiñamos que pedir cada produto.
Encantounos iso de comprar, tanto que queríamos mercar toda o froitería.
Desde esta páxina queremos agradecer á dirección e persoal do Eroski de Moaña a súa desinteresada e paciente colaboración.

CANTOS SON 6 METROS?

2010-03-16T14:29:00.008Z

O outro día limos nun libro que os golfiños podían saltar ata 6 metros.

Os nenos falaron de canto podía ser iso (un abría os brazos dicindo que iso eran 6m., outro lle dicía que non, que iso eran 20m.,...). Non se poñían de acordo, así que decidiron coller o metro, pero o metro só tiña 1m, e nós queriamos 6, así que despois de moito falar, decidiron que había que marcar no chan ata 1, despois levantar a regla e marcar ata 2,... e así ata 6.

- E como facemos para poñer os 6 metros de pé?

-Pois cortamos tiras de papel e as pegamos.

E así nos quedou.

Por último, fomos o patio a poñer a nosa tira xigante de pé, e descubrimos que 6 metros é moitísimo.

Como os nenos de 3º están investigando tamén sobre os golfiños, fomos a súa clase a contarlles o noso descubrimento, e así eles tamén nos contaron cousas sobre este animal.

PLANTAMOS CHÍCHAROS

2010-03-14T08:44:00.012Z

No cole plantamos chícharos.Primeiro puxemos a terra no testo, dúas sementes e por último un pouquiño de terra.

Botámoslle auga e unha semana despois xa medraran un montón.

8 de marzo, día da muller traballadora

2010-03-11T22:15:00.003Z

Queremos unha escola do século XXI que forme nenos e nenas en igoaldade, para que cando lles toque ser adultos gocen dos mesmos dereitos e oportunidades.
Para que isto ocorra, todos temos que poñer o noso gran de area:

Traballando co Paint

2010-03-11T21:12:00.006Z

Agora que xa estamos aprendendo a acender e apagar os ordenadores soíños, xa sabemos mover o rato tanto como para escribir o noso nome. Isto é o que fixemos:

PresentacióN Nomes5ºEi

View more presentations from bibliotecadocole.

Os golfiños

2010-03-02T21:39:00.003Z

Na aula de 6º de Infantil estamos aprendendo cousas dos golfiños.
Pero seguro que nunca viron nacer un. A que non?
Pois mirade, mirade que bonito:

Coplas de Entroido

2010-03-01T19:19:00.004Z

Xa podedes escoitar as coplas deste ano. Aquí tedes as de Infantil e 1º de Primaria:

ENTROIDO

2010-02-23T19:16:00.003Z

NEWTON E AS SÚAS MAZÁS DISFRUTARON DO DÍA DO ENTROIDO COMENDO ORELLAS, FILLOAS, ROSQUILLAS, CANTANDO A COPLA... E COMO TODOS OS ANOS O COLE PARTICIPOU NO ENTERRO DA XOUBIÑA. ESTE É UN VÍDEO ESPECIAL, XA QUE PARTICIPARON OS NENOS E NENAS DE INFANTIL COAS SÚAS VOCES. FIXÉRONO MOI BEN!

As mazás de Newton II

2010-02-21T16:50:00.003Z

Aquí estamos as mazás dando avío ás sobremesas de entroido e desfilando no Enterro da Xoubiña:

As mazás de Newton

2010-02-21T16:28:00.004Z

Contan que estando Newton na súa horta, o movemento de caída dunha mazá inspirou a súa Lei de Gravitación que é a que explica por que todos os corpos caen cara a terra.
Como no cole todos foron disfrazados de científicos e inventos, nós en Infantil fomos de mazá de Newton.
Esta é a copla que inventamos para cantar neste entroido:

As mazás e a ciencia

2010-02-09T18:55:00.003Z

Acércase o Entroido, e nas aulas de Infantil hai moiiiiiiiiiiiiitas mazás.

Pero son unhas mazás moi importantes, porque axudaron aos científicos a descubrir cousas,...

Día da Paz

2010-01-23T09:23:00.003Z

Agora que se acerca o Día da Paz, mirade o conto "Wangari e as árbores da paz" que nos chega dende a Escola de Vide:
Dalle ao cursor da dereita para ir pasando as diapositivas

Wangari Publicacion

View more documents from

Contos de ida e volta

2010-01-21T21:34:00.005Z

Rematou xa o préstamo da colección de contos, que a Fundación Sánchez Ruipérez nos fixo. Agora a caixa viaxeira visitará a outros rapaces.
Os contos que máis gustaron aos ponis (os de 6º de Infantil) foron:

Sistema solar

2009-12-17T20:51:00.004Z

Este trimestre os nenos e nenas de Infantil estudiamos o Sistema Solar.

Os da clase de 6º de Infantil traballaron moito.

Fixeron un mural sobre o sistema solar, e uns planetas que colgaron do teito.

Tamén tiñan un astronauta!!!

Ultima hora

2009-12-15T19:39:00.001Z

A Consellería de Educación e Ordenación Universitaria decidiu, como medida de precaución, a suspensión das clases en todos os centros educativos de Galicia durante a xornada de mañá, día 16 de Setembro.

A medida tómase en base á predición da Axencia Estatal de Metereoloxía dun fenómeno meteorolóxico adverso con precipitacións en forma de neve que afectarán á Comunidade Autónoma de Galicia a partir das 00,00 do mércores 16 de Decembro.

Bibundé: un conto viaxeiro

2009-12-08T19:22:00.009Z

Bibundé é a historia dun pingüín que non se quería bañar. Pero é moi aventureiro e valente, tanto que ao final o logra.
Ás pelotas , gustoulle o conto porque:
- Bibundé é moi divertido.
- É simpático.
- Axuda ao aviador.
- Bótase á auga inda que non lle guste.
- Non ten medo nas súas aventuras.
Este conto tan divertido chegounos desde a Fundación Sánchez Ruipérez, en Salamanca,dentro do programa"Lecturas de Ida e Volta".
Xa vos iremos contando que segredos garda a caixa que nos mandaron.

25 de Novembro Día Internacional contra a violencia de xénero

2009-11-24T19:55:00.005Z

O Día 25 de Novembro é o
Día Internacional para a eliminación da violencia contra as mulleres
Para traballar, temos unha webquest para os mais peques (Infantil e primeiro ciclo) sobre "Rosa Caramelo".

A autora é Rocío Cabanillas Magro, do Ceip J.L. Rebollo de Andalucía

E interesante facela con eles, para inicialos nesta ferramenta de traballo.

Non esquezades ler o conto primeiro!!!:

Aquí temos unha animación do conto "Unha feliz catástrofe , de Adela Turín, e ilustrado por Nella Bosnia, que vemos en Educastur Blog :

Ademais, como a mellor prevención é a coeducación, deixovos AQUI un enlace á unha interesante selección feita dende a Escola Unitaria de Vide .

Carta de Paco

2009-11-06T17:25:00.003Z

Recibimos carta de Paco!.

Este ano quere aprender cousas da ciencia, e pídenos que lle axudemos.

Como facemos cousas tan bonitas, imos facer uns carteis chulísimos para un mural enorme que imos facer entre todos os nenos do cole.

Así imos aprender cousas das estrelas...e do Sol

Estes somos nós

2009-11-02T22:50:00.004Z

Os nenos e nenas de 5º de Infantil xa eliximos o nome da clase.Imos ser a clase das pelotas porque:
-PODEN CHIMPAR MOI ALTO,COMA NÓS
-SON MOI REBULDEIRAS,COMA NÓS
-SON DIVERTIDAS,COMA NÓS

E estes somos nós:

Presentación nas Xornadas de Educación Infantil

2009-10-02T16:12:00.000+01:00

XORNADAS INFANTIL

View more presentations or Upload your own.

Había unha vez

2009-09-22T20:47:00.002+01:00

Cando un día ,a toupiña asomou a cabeza por entre un montón de terra,para ver se saíra o Sol....
PASOU AQUILO:
era redondo e marrón,parecíase un chisco a un chourizo,
e o peor de todo:caéralle xusto na cabeza.....

O exitoso conto de Weener Holzwarth foi utilizado na versión de Kalandraka para este xogo que vos presentamos.Atopámolo en ACTIVIDADES LIM da man de Naiara Castillo do CEIP de Viñas,en Poio, e chegamos a él vía CEIP Frián -Teis
Preme no debuxo para xogar.

SOBRE A GRIPE A

2009-09-21T16:43:00.000+01:00

Este outono temos que coidarnos moito.Hai unha gripe que nos pode contaxiar.Observa estes divertidos vídeo que conta como coidarnos:

Encontros de Educación Infantil

2009-09-18T16:13:00.001+01:00

Os dias 25 e 26 de Setembro vanse celebrar os VII Encontros de Educación Infantil no Pazo de Congresos e Exposicións de Galicia.
Serán dous días adicados a presentación de diferentes obradoiros e experiencias.
Entre as experiencias estará a da nosa compañeira Belén, co título "Medindo e comparando".